दशैंको आगमन अनि हाम्रो गाँऊ!!

हिजोआज हाम्रो गाउँमा
हल्ला निकै छ,
समयअगावै चाडको
हावा चलेको छ,
पत्ती टिपी वर्षभरि परिस्रमको फल
बोनस थाप्न सबैमा होड चलेको छ,
पैसा थापी बजारजाने
सबैको  सुरसार छ,
एक छाक मिठो खाना आज
बल्ल जुटेको छ,
केटाकेटी भुराभुरी रमाउँदैछन् धेरै
नयाँ लुगा पाउने आशमा
खुशी छैनन थोरै,
जेठा कान्छा गौथली भँगेरी
तम्तयारमा छन्
दशैँ आउन लाग्यो सम्झी
हर्षित हुन्छ मन,
दशैँ होइन दशा हो भन्छन्
सिरीखुरी सबै पार्छ रे
महँगीको मारले यहाँ
कम्मरनै भाँच्छ रे,
इष्टमित्र सबै भेला हुने
अब बेला आएको छ
वर्षभरिको थकाईलाई बिर्सी
हाँस्ने मौका पाएको छ,
दशैँ भने नी  दशा भने नी
चाडपर्व हाम्रै हो
पुर्खौली सँस्कृति जगेरा गर्ने
कर्तव्य त  हाम्रो हो,
प्रकृतिपनि हर्षित भई
मुसुक्क मुस्काएको छ,
पारी खोलाको त्यो सेताम्मे काँशले
दशैँको आगमनलाई
स्वागत जनाउँदै छ ...
स्वागत जनाउँदै छ!!!